Sharaf Ashabul-Hadith

Sharaf Ashabul-Hadith

علامہ خطیب بغدادی رحمہ اللہ کی کتاب’’شرف اصحاب الحدیث‘‘ کا مخص ترجمہ پیش خدمت ہے۔ اس سے اصحاب الحدیث کی فضیلت اور ان کے مقام ومرتبہ کا بخوبی علم ہو سکے گا۔ اس کتاب کی سب سے بڑی اور اہم خصوصیت یہ ہے کہ علامہ خطیب بغدادی نے تمام احادیث و آثار اور ائمہ ومحدثین کے اقوال اپنی سند سے نقل کیے ہیں جن سے ان کی استنادی حیثیت میں اضافہ ہوتا ہے۔ ترجمہ میں اردو قارئین کی رعایت کرتے ہوۓ سند میں حذف کر دی گئی ہیں ۔ عام اردو داں حضرات اس سے فائدہ اٹھا سکیں ، اس لیے لفظی ترجمہ کے بجاۓ رواں اور بامحاورہ ترجمے کو پسند کیا گیا ہے ، لیکن اس آزاد ترجمانی میں متن کی پوری پوری رعایت کی گئی ہے۔ ترجمہ کے وقت کتاب کا محقق ایڈیشن پیش نظر رہا ہے محقق نے بڑی حد تک متن کتاب کو واضح کرنے کی کوشش کی ہے اور نسخوں کے اختلاف کو حاشیہ میں درج کیا ہے ۔ اسی طرح محقق نے ان تابعین۔ تبع تابعین ، محدثین اور ائمہ دین کی تاریخ ولادت و وفات بھی درج کرنے کی کوشش کی ہے جن کے نام کتاب میں آۓ ہیں۔محقق کی ان تمام کوششوں سے استفادہ کرتے ہوۓ ترجمہ میں بھی اکثر ناموں کے ساتھ ان کی تاریخ ولادت و وفات درج کر دی گئی ہے ۔ اس سے شخصیات کے دور کو سمجھنے میں مدد ملے گی ، انشاء اللہ ۔