Duniya ki Sabse Khush Naseeb Aurat Urdu
اس عارضی دنیا میں مختلف ممالک میں مختلف قوموں میں خوش نصیبی کے معیار مختلف ہیں ۔ کوئی دولت کی فراوانی کو خوش نصیبی کی علامت جانتا ہے تو کوئی سامان عیش کوشی ، کار، بنگلہ زمینوں وغیرہ کو کوئی اونچے حسب و نسب کو تو کوئی اعلی و ممتاز کلیدی عہدوں کے مل جانے کو خوش نصیبی کا باعث بتا تا ہے۔ کوئی عورت خاوند کی محبوبہ بن جانے کو اور کوئی زیادہ تعداد میں بیٹوں کے ملنے اور مستقبل میں اپنے دست و بازو بنے کو اپنی خوش قسمتی کی ضامن بجھتی ہے۔ کوئی اپنے عارضی اور چند روز و حسن کو اپنی خوش نصیبی کا باعث بجھتی ہے اور کوئی اعلی عصری تعلیم کی ڈگریوں کو اپنی خوش نصیبی کا سبب گردانتی ہے۔ ایسے ہی اور بہت سے معیار مروج ہیں دنیا کے مختلف حصوں میں جن کوخوش نصیبی کا ضامن اور سبب جانا جا تا ہے ۔ حقیقت اس کے برعکس ہے، خوش نصیبی وہ نہیں جو دنیا والے سمجھے بیٹھے ہیں ۔ ایسے مذکورہ بالا خوش نصیب لوگوں کی بدنصیبی یہ ہوتی ہے کہ ان کو زندگی بھر روحانی سکون نصیب نہیں ہوتا ، پریشانیاں اور مشکلات ان کو گھیرے رہتی ہیں ۔ سکون و راحت اور اطمینان کی دولت سے ان کا دل ہمیشہ محروم و معدوم ہی رہتا ہے۔ حقیقی خوش نصیب عورت وہ ہے جس کی دنیاوی زندگی بہتی ندیا کی طرح پرسکون ہو ۔ خوش نصیب عورت نہ کسی سے خائف ہوتی ہے ، نہ کسی سے بے جا امید میں اور غرضیں وابستہ رکھتی ہے بلکہ ہر کسی سے بے غرض ہوتی ہے، وہ کسی سے کچھ لینے کی بجاۓ اس کو کچھ دینے میں خوشی وسکون محسوس کرتی ہے۔ وہ ہمیشہ خوش اخلاق وخوش اطوار اور خوش گفتار و خوش مزاج ہوتی ہے۔ ہر دلعز یز ی ، ہر دل محبوبی ، احترام و تقدس اس کی شخصیت کی پہچان بن کر رہ جاتی ہے۔ یوں اپنے کردار و اعلی سیرت کی بنا پر وہ دوسروں کے لیے آئیڈیل و نمونہ بن جاتی ہے۔ لوگ اس کو ستارہ شب سمجھتے ہیں اور اپنے سفر زندگی میں منزل کی سمت کا تعین اسے دیکھ کر کرتے ہیں ۔ اس کی سیرت کے سانچے میں ڈھل جانے کو اپنے لیے باعث اعزاز وفخر جانتے ہیں ۔ حقیقی خوش نصیب وہی عورت ہے جو دنیا میں رہتے ہوئے اور چلتے
پھر نے اعلی محاسن کا نمونہ ہو۔ اور یوں وہ دنیا میں بھی کامیاب ہو اور آخرت میں کامیاب ہوکر اللہ کریم کی رضا کا سرٹیفکیٹ حاصل کر اور حسین جنتوں کی وارث بن جاۓ ۔ … محترمہ اور مومنہ بہنو! سوال یہ پیدا ہوتا ہے کہ ہم ایسی کیسے بن سکتی ہیں کہ یہ کہہ سکیں ہم دنیا کی سب سے خوش نصیب عورت بن گئی ہیں۔ اس کتاب میں دنیا کی سب سے خوش نصیب عورت بنے کافن ہی تو بیان کیا گیا ہے ۔ قرآن وسنت تاریخ اور مشاہدات و تجربات کی دنیا کی روشنی میں وہ راز ، قاعدے کلیے اور طریقے بتائے گئے ہیں کہ جن کو اپنا کر آپ دنیا کی خوش نصیب عورت بن سکتی ہیں ۔
مشہور عرب سکالر جناب عائض القرنی کی کتاب ’’غم نہ کر میں‘‘ پاکستان میں سب سے پہلے دارالبلاغ نے شائع کر کے غم کے ماروں سے دعائیں لیں اور اب فاضل مصنف اور انٹر نیشنل مقبول ترین سکالر عائض القرنی کی دوسری مشہور عالم تصنيف أسعد المراۃ کو اردو قالب میں ڈھال کر آپ کے سامنے پیش کر رہے ہیں ۔ عنقریب آپ فاضل مصنف کی چار مزید معرکة الاراء کتب ہمارے ادارے سے شائع ہونے کے بعد پڑھ سکیں گے ۔ ان شاء اللہ اور اپنی دعاؤں میں یاد رکھیں گے۔
اب آپ دنیا کی خوش نصیب ترین عورت بننے کے سربستہ رازوں سے آگاہی حاصل کرنے کے لیے ہماری ٹیم کی رات دن جانفشانی کے بعد تیار کردہ اس کتاب کے مطالعہ میں مصروف ہو جائیں ۔ ان شاء اللہ آپ علم وکمل کے خزانوں سے مالا مال ہو جائیں گی ۔
